Bahalar boýunça saýlamak
- Esasy struktura
- Dizaýn işleri 150$
- Sahypalar 40$
- Hyzmatlar 40$
- Önümleriň katalogy 60$
- Habarlar 40$
- Partnýorlar 40$
- Portfolio 40$
- Suratlar (Galereýa) 40$
- Blog 50$
- Ses berilşik 30$
- Täzeliklere ýazylmak 15$
- Habarlaşmak formy 25$
- Kartaly salgyňyz 10$
- Saýt kartasy 15$
- Gözleg 30$
- Giňişleýin gözleg 40$
- Banner 20$
- Goşmaça hyzmatlar
- Köp dilli 40$
- Hosting 40$
- Domain 10$
- Suratlar bilen bezemek 50$
- Statistika we analitika 5$
- Email 10$
- Reklama 50$
- Flash animasiýa 50$
Maglumatnama
Yza
Iber
Tanyşdyryş saýt – ýokary hilli, göwrümi boýunça kiçi bolan websaýt. Onuň kömegi bilen siz täze müşderileri, partnýorlary aňsatlyk bilen tapyp, kompaniýaňyz hakynda maglumatlary paýlaşyp, ýerine ýetiren işleriňizi görkezip ýa-da satýan önümleriňiziň bahalaryny ýerleşdirip, özüňize blog ýöredip täzelikleri, tejribäňizi internet älemindäki ulanyjylar bilen paýlaşyp bilersiňiz. Bu saýtlar, beýleki saýtlardan birnäçe ýollar arkaly tapawutlanýar:
Elýeterli. Siz bu görnüşdäki saýtda iň gerekli bolan maglumatlary, suratlary, wideo ýazgylary, prezentasiýalary ýerleşdirip bilersiňiz. Bu saýdyň döretmek işiniň bahasy beýleki görnüşdäki saýtlardan birnäçe esse arzandyr. Siz peýdalanmajak funksiýalaryňyza artykmaç töleg etmeýärsiňiz.
Ýönekeýlik. Bu görnüşdäki saýtlar kiçi saýtlar bolandygy sebäpli, muny dolandyrmak üçin hiçhili artykmaç güýç sarp edilmeýär. Saýdyň strukturasy kiçi bolandygy sebäpli ony dolandyrmak ýeňil bolup durýar.
Çalt. Bu görnüşdäki saýtlary taýýarlamak, döretmek we internede ýerleşdirmek beýleki saýtlardan az wagt talap edýär. Beýleki görnüşdäki saýtlar 1 aýyň dowamynda taýýarlanýan bolsa, bu görnüşdäki saýtlar 1 hepde içinde ulanylyşa berilip biliner.
Sahypalar – Herbir tanyşdyryş saýdynyň ulanyjylara maglumatlary ýetirmekligi üçin peýdalanylýar. Web sahypada Siz barada islendik informasiýany ýerleşdirmäge kömek eder. Mysal üçin Özen Bilim merkezinde, “Biz barada”, “Mugallymlarymyz”, “Öwrediş usulumyz”, “Sorag-jogap”, “Arzanladyşlar” diýen sahypalar bar. Sahypalar administrasiýa tarapyndan goşulyp, öňki goşulan sahypalary bolsa üýtgedip, wagty geçenleri aýyryp bolýar. Şeýlelik bilen web sahypanyň iň köp maglumat berýän bölegi “Sahypalar” hasaplanýar.
Hyzmatlar – Eger siziň kompaniýaňyz birnäçe hyzmatlary ýerine ýetirýän bolsa, mysal üçin dizaýn studionyň websahypasynda hökmany suratda Hyzmatlar gerek bolup biler. Hyzmatlary aýry-aýry kategoriýalara bölüp, olar hakynda has giňişleýin maglumatlary suratlar arkaly berip bolýar. Mysal üçin, dizaýn studiýasynyň websaýdynda şeýle kategoriýalar bolup biler:
1. Surata almak hyzmatlary
2. Dizaýn işleri
Şeýlelik bilen, ulanyja dizaýn studiýasy hakynda ähli informasiýalar mälim bolup durýar. Olar aýry-aýry bölünip, hiçhili çäklendirme ýok. Siziň birnäçe ugurdan hyzmatlaryňyz hem bolsa, bularyň ählisini aňsat usulda ýerleşdirip bilersiňiz.
- Toý dabaralaryny
- Geçirilýän çäreleri
- Portretleri
- Maşgala suratlary
2. Dizaýn işleri
- Broşurlar
- Ofis we öýleriň dizaýny
- Çap etmek hyzmaty
Önümleriň katalogy – Eger siziň kompaniýaňyz önümleri çykarýan, ýa-da satýan ýagdaýynda gereklidir. Önümleriň katalogynda her önüm kategoriýalara, kiçi kategoriýalara bölünýär. Her önüm hakynda isledigiňçe informasiýa goýmak mümkinçiligi bar. Bahasy, önümiň ady, ýasalan ýyly, agramy we ş.m maglumatlary ýerleşdirýär. Bu maglumatlar soňundan arkaýynlyk bilen üýtgedilip, ýa-da täze goşulyp biler. Şeýle hem önümiň birnäçe suratlaryny ýerleşdirmek mümkinçiligi bar. Egerde administrasiýa panelinden rugsat berilen ýagdaýynda önüm hakynda sahypany ulanyjylar öz pikirlerini ýazyp hem bilerler.
Habarlar - Özüňiz barada täzelikleri, habarlary, ýa-da täze geçirýän aksiýalaryňyz hakynda ýazyp, sahypaňyza goşup bilersiňiz. Habarlar üçin ýörite ýasalan administrasiýa panelinde habarlary goşup, üýtgedip hem-de wagty geçen habarlary arhiwde saklap, ýa-da pozup bolýar. Habary goşmaklyk ýönekeý ulanyjylar üçin niýetlenen we munda hiçhili kynçylyk çekmersiňiz. Habarlar kategoriýalara bölünmeýär we habarda ady, ýazylan senesi, tekst we surat ýerleşdirilip biliner.
Partnýorlar – Eger web sahypaňyzda partnýorlaryňyz hakynda giňişleýin maglumatlary goýmak isleýän bolsaňyz peýdalanylyp biliner. Partnýorlar bölüminde, siziň bilen işleşýän beýleki kompaniýalaryň atlary, logolary we ýazgy ýerleşdirilýär. Eger has giňişleýin etmek isleýän bolsaňyz, her kompaniýanyň Size degişli aýdan sözleri, maslahatlary ýerleşdirilip, direktorynyň ady, suraty hemde kompaniýanyň websahypasyny girizip bolýar.
Portfolio – Siz döredijilik ugrunda işleýän kompaniýa bolsaňyz, onda täze müşderileri tapmak üçin hökmany suratda öz eden işleriňizi, ýagny portfolioňyzy beýlekiler bilen paýlaşmaly bolýarsyňyz. Portfolioňyzy web sahypaňyzda paýlaşmak isleseňiz, onda bu siziň üçin. Portfoliolar hem birnäçe ugurlara bölünip biliner. Mysal üçin, “Taýýarlan logolarymyz”, “Taýýarlan websahypalarymyz”, “Taýýarlan broşurlarymyz” we ş.m ugurlarda, we hersiniň içinde proýektler ýerleşdirilýär. Şeýle hem bir proýekt hakynda has giňişleýin maglumat almak mümkinçiligi bar. Proýektiň ady, ol barada gyzgaça ýazgy, proýektiň görnüşi surat, şeýle hem websahypasy ýerleşdirilýär.
Suratlar (Galareýa) – Bu bölümde size degişli bolan suratlaryňyzy ýerleşdirip bilýärsiňiz. Mysal üçin “Doganlar” kompaniýasynyň websahypasynda “Suratlar” bölümi ulanyldy. Ol ýerde, ofisleriniň suratlary, jaý binalarynyň suratlary ýerleşdirildi ýa-da Özen Kurs Merkeziniň web sahypasynda hem peýdalanylyp, okuwçylaryň sapak geçýän wagtyndaky suratlar, geçirilýän çärelerden suratlar, dynç alyşa gidilýän suratlar we ş.m birnäçe suratlary ýerleşdirdik. Bu adamlaryň Sizi has içgin tanamagyny gazandyrar.
Blog – Siz öz ugruňyz hakynda beýlekiler bilen has giňişleýin tejribäňizi paýlaşmak isleýän bolsaňyz onda peýdalanyp biliner. Blog – gündelik diýen ýaly manyda ulanylýar.
Ses berilşik – Egerde sizi adamlaryň pikirleri gyzyklandyrýan bolsa, olaryň isleýän zatlaryny hemişe bilmäge synanyşýan bolsaňyz sahypaňyzyň üsti bilen ses berilşik geçirip bilersiňiz. Ses berilşik geçirilende her adamyň 1 gezek ses bermäge rugsady bolýar (ip adress bilen), şeýle hem ses berilşigiň netijesini görüp bilýärler. Mysal üçin, “Biziň önümlerimiz elýeterlimi?” atly ses berilşik başladynsa, onda “Hawa”,”Ýok” jogaplary goşulyp biliner. Şeýlelikde belli wagtyň geçmegi bilen, saýdyňyza gelýän ulanyjylaryň ses bermeginde size netijeleri belli bolup durýar. Bu hem adamlaryň näme isleýändigini bilip, olary analizlap şol meselede durup geçmekligiňizi salgy berip biler.
Täzeliklere ýazylmak – Siziň edýän işleriňizden, täze çykaran önümiňizden, ýa-da hyzmadyňyzdan hemişe adamlaryň habarly bolmaklygyny isleýän bolsaňyz olara hemişe täzelikleri ýoldap bilersiňiz. Sahypanyň bir burçunda “Täzeliklere ýazylmak” diýip durýar we ulanyjydan email salgysyny soraýar. Ulanyjy email salgysyny girizenden soňra, systema ýazylýar. Siz islän wagtyňyz administrasiýa panelinden täzeliklere ýazylan ähli ulanyjylara hat ýoldap bilersiňiz.
Habarlaşmak formy – Her bir websahypada gabat gelinýän ulgam. Ulanyjynyň size soragy bolan ýagdaýynda, ýa-da teklibi bolanda göni websaýdyň kömegi bilen size hat ýoldap biler. Hat ýoldanda, ady, email salgysy, hatyň ady we haty ýazylyp alynýar. Doldyran formy, siziň kompaniýaňyzyň mail salgysyna iberilýär we siz emailyňyzdan hat ýazana jogap berip bilýärsiňiz.
Kartaly salgyňyz – Adamlaryň siziň ýerleşýän ýeriňizi aňsat tapmaklygyny gazanmak üçin, siziň ofisiňizi ýa-da satyş merkeziňize nädip barmalydygyny, kartanyň kömegi bilen web sahypaňyzda ýerleşdirip berýäris. Siziň töweregiňizdäki binalaryň atlary, köçeleriň atlary ýerleşdirilip, müşderä sizi tapmaga kömek edýär.
Saýt kartasy – Web sahypanyň ululygyna, ondaky ýerleşdirilen önümleriň, sahypalaryň sanyna görä gerekligi ýa-da peýdasyzlygy kesgitlenilýär. Egerde sizde birnäçe önümler, birnäçe hyzmatlaryňyz we birnäçe maglumat ýetirýän sahypalaryňyz bolsa ulanyjynyň sahypanyň içinde azaşmazlygyny gazanmak üçin, gerek bolan maglumatyny tiz wagtyň içinde tapmaklygyna uly kömegi degýär. Saýt kartasynda sahypanyň bütin strukturasy ýerleşdirilýär we basanda şol sahypa, önüme ýa-da hyzmat hakyndaky sahypa gönükdirilýär.
Gözleg – Web sahypanyň içinde umumy gözleg işini geçirmeklik üçin. Gözleg websahypada ýerleşdirilen ähli zatlardan gözleýär we olary tapmaga kömek edýär. Egerde siziň websaýdyňyz 4-5 sahypadan we habarlaşmak forumdan ybarat bolsa, onda gözleg peýdalanmasa hem bolar. Ýöne 20-30 sahypa bolup, birnäçe önümleriňiz bolsa gözlegsiz ulanyjylarda tapmak kynçylygy döräp biler. Şeýle hem gözlegde, ähli geçirilen gözleg sözleri ýazylyp alynýar we adamlaryň näme hakda gyzyklanýandygyny, siziň websahypaňyzda nämeleri gözleýändigini bilip, tapylmadyk ýagdaýynda şol barada maglumat ýerleşdirip utuş gazanyp bilersiňiz.
Giňişleýin gözleg – Önümleriň katalogynda, Portfolioda ulgamlary açyk bolsa peýdalanylýar. Has hem önümleriň katalogynda kömegi degýär. Önümleri bahalaryna görä, reňklerine görä, agramyna görä gözläp, filter berip, özüne gerek bolan önümi tapmaklygyna kömek edýär. Giňişleýin gözleg ulgamy Biz tarapyndan hemişe kämilleşdirilýär we her geçirilen täze üýtgeşme, özgertme siziň hem websahypaňyzda geçirilýär.
Banner – Egerde sahypa giren ýagdaýynda, adamlaryň ünsüni birzada çekmek isleseňiz peýdalanylýar. Banner ullakan surat ýa-da flash animasiýa bolup, sahypanyň açylanda görülýän ýerinde ýerleşdirilýär. Bannerde belli bir önümi, hyzmady ýa-da siz barada bir-iki söz bilen aýdylyp geçilýär. Üstüne basan ýagdaýynda bu barada giňişleýin maglumat alýar.
Köp dilli – Sahypany birnäçe dilde ýerleşdirmek we esasy dili saýlamaklyk. Mysal üçin sahypa Rusça, Iňlisçe we Türkmen dilinde ýerleşdirilen bolsa, siziň websaýdyňyza girilende, Türkmen dili esasy dil diýip saýlanylsa, birinji bilen türkmençe açylýar, ýokarda hemde sahypanyň aşagynda baýdaklaryň ýerleşdirilmegi bilen sahypanyň dilini çalyşyp bilýär. Eger esasy dil saýlanmadyk bolsa, onda sahypa açylanda dil saýlamaklygyny soraýar we saýlandan soňra şol dilde açylýar.
Hosting – Sahypaňyzy ýerleşdirmek üçin serwer. 40$-lyk hosting-de, 4GB ýer we websaýt üçin gerek bolan aýratynlyklar berilýär. (php, mysql). Gutarnyksyz subdomainler bar. Egerde saýdyňyzyň açylyşyny haýal gören ýagdaýyňyzda, başga bir hostinge islendik wagt geçmäge, ýa-da köpeltmäge mümkinçilik bar. 40$ ýyllyk töleg bahasy.
Domain – Sahypaňyzyň ady. Registrasiýa etmeklik, ony hosting bilen birikdirmeklik we size gabat geljek domain adyny saýlamaklyga kömek edýäris.
Suratlar bilen bezemek – Dizaýnyň, websaýdyňyzdaky sahypalaryň ählisiniň owadan görünmekligini gazanmak üçin biz birnäçe suratlar bilen olary bezäp berýäris. Suratlar bilen bezelen websaýtlarda maglumatlary okamaklyk gyzykly hem-de sahypa ulanyjyny ýadatmaýar. Suratlar istockphoto.com salgysyndan we birnäçe saýtlardan tapylýar, satyn alynýar we saýdyňyza ýerleşdirilýär.
Statistika we analitika – Sahypanyň peýdalanylyşy, haýsy döwletlerden sahypa girilýändigi, günlik giren adam sany, saýdyňyzda näçe minut wagt geçirýändikleri we ş.m statistikalary almaklyk.
Email – Kompaniýanyň ady bilen mail hasaplary. Mysal üçin agajanh@veriloft.com, nazar@veriloft.com salgylary ýaly döredinip bilersiňiz. Bu salgylary döretmeklik gutarnyksyz. Siziň 250-300 işgäriňiz bar bolsa onda olaryň hersine hem ýörite kompaniýanyň mailny berip bilersiňiz. Mail salgylary öňki mailyňyz bilen birikdirmek mümkinçiligi bar. Mysal üçin agajanh@veriloft.com salgysyna gelen hatlar, awtomatik usulda agajanh@gmail.com salgysyna iberilýär.
Reklama – Biz bu ugurda birnäçe tejribämiz hemde proýektlerimiz bar. Türkmen ulanyjylary üçin niýetlenen Teswirler sosiýal saýdynda reklamaňyzy görkezip bilersiňiz. Baha 1 aýlyk görkezilen.
Flash Animasiýa – Websaýdyňyzda flash animasiýa görkezmek isleseňiz, ýa-da bir önüm hakynda kiçijek tanyşdyryş animasiýa etmeklik isleseňiz bu ugurda kömek edýäris. Baha ortaça görkezilen we size gerek bolan animasiýa görä üýtgäp biler.
Indiki